On n’avoit point posé les fondemens de Rome,
On n’avoit point parlé du siège d’Ilion,
La terre n’avoit point receu Deucalion,
Ny Babel divisé le langage de l’homme.
Les sœurs de Phaëton ne pleuroient point la gomme,
Les geans n’avoient point monté sur Pelion,
Et celuy qui causa nostre rébellion
N’avoit pas mis la dent sur la première pomme.
Cypre n’avoit point veu ses rives escumer
De ce germe divin qui tomba dans la mer,
Quand la mère d’Amour voulust sortir de l’onde.
Bref, nous ne sçavons point de siècles assez vieux,
Depuis qu’on a cogneu l’origine du monde,
De qui l’antiquité ne le cède à vos yeux.
Ministre du repos, Sommeil, père des songes,
Pourquoy t’a-t’on nommé l’image de la mort ?
Que ces faiseurs de vers t’ont jadis fait de tort,
De le persuader avecques leurs mensonges !
Faut— il pas confesser qu’en l’aise où tu nous plonges.
Nos esprits sont ravis par un si doux transport
Qu’au lieu de racourcir à la fureur du sort
Les plaisirs de nos jours, Sommeil, tu les allonges.
Dans ce petit moment, ô songes ravissans,
Qu’Amour vous a permis d’entretenir mes sens,
J’ay tenu dans mon lict Elise toute nue.
