capitaine des Anglois en Bretaingne vint a grant force de gens d’armes d’Angleterre et prist la Roche-Derian en l’eveschié de Triguier en Bretaigne.
Le xxxvi, comment Lannion fu tray et rendu aus Anglois de la Roche Derian par deux traistres escuiers du pays, dont ce fu grant douleur.
Le xxxvii, comment le roy d’Angleterre vint en Normandie et prist Caan, et vint par Lisieux, par Torigny, à Vernon et à Poissy ; et comment le roy de France le poursivoit tousjours de l’autre part de la riviere de Saine, et vint à Paris logier à Saint Germain des Prez ; et comment les Anglois passerent le pont de Poissy.
Le xxxviii, comment le roy d’Angleterre se parti de Poissy et mist le feu en tous les manoirs royaux, et s’enfuy vers Picardie ; et comment le roy de France s’en retourna de Antoigny et passa par Paris disant a grans souspirs qu’il estoit trahi ; et comment il poursivi tousjours son ennemi.
Le xxxixe chapitre parle de la bataille de Crécy.
Le xl, comment le roy de France se ordena à poursivir son ennemi le roy d’Angleterre jusques à la ville de Hedin ; et comment un advocat de la ville de Laon appellé Gauvain, voult trayr la dite cité de Laon.
Le xli, comment messire Charles de Blois duc de Bretaigne fist siege sus les Anglois de la Roche Derian, et comment il fu pris d’un chevalier d’Angleterre appellé messire Thomas Dagorn ; et comment auques tous les barons de Bretaigne furent en celle heure presque tous mors ou pris.
Le xlii, comment tous les nobles et non nobles du pays d’entour la Roche Derian et mesmement de
