Col, pour ce que Thomas conte de Lencastre avoit esté decapité au commandement du roy. Lequel Tort Col le garda souz estroite garde jusques à la fin de sa vie, bien et diligeaument. Le roy ainsi pris et mis en prison[1], assamblée se fist à Londres des barons et des communes, les quiex, de commun accort et d’un consentement, jugierent digne d’estre privé de toute dignité et auctorité royal et, avec ce, de non de roy, Edouart nagueres roy d’Angleterre. Et ce fait, il coronnerent à roy son filz Edouart[2], combien que il refusast la coronne tant comme il peust, vivant son pere. Assez tost après, messire Hue le Despensier, par le jugement des barons, fu trainé à queues de chevaux, puis fu ouvert comme on euvre i pourcel, et ardi-on sa brueille et ses entrailles devant li, voiant ses iex, puis ot la teste coupée, et de son corps furent faites iiii pieces qui furent pendues aus iiii principaux villes d’Angleterre. Pluseurs autres aussi qui furent de sa sorte, furent en diverses manieres mis à mort. Entre les autres, on coupa la teste à un evesque qui estoit et avoit esté ami dudit messire Hue le Despensier et de son pere[3].
En cest an, envoia le pape en legacion en Lombardie messire Bertran de Poget[4] cardinal, et i pou après,
- ↑ Édouard II, pris le 16 novembre 1326, fut d’abord détenu au château de Kenilworth, puis à celui de Berkley (Th. Walsingham, Historia anglicana, t. I, p. 184 et 188).
- ↑ Édouard III aurait été proclamé gardien du royaume, « custos regni » (Th. Walsingham, op. cit., t. I, p. 184).
- ↑ Voir, sur ces exécutions, Th. Walsingham, op. cit., t. I, p. 185.
- ↑ Bertrand Poyet, promu cardinal en 1316 par Jean XXII.
