castre, après ce qu’il ot esté confessié, oy sa messe et reçut le corps Jhesu Crist ou sacrement de l’autel, fist la teste couper[1], et en une abbaïe qui estoit près le fist porter et enterrer. Auquel sepulcre, si comme pluseurs raconterent, Nostre Seigneur monstra puis moult de miracles et fait encore[2].
Et puis le roy d’Angleterre, en recompensacion du service qu’il avoit receu du devant dit chevalier Andri de Karle, donna à ycelui la conté de Karleel où il y a pluseurs chastiaux et forteresces. Mais ycelui chevalier Andri, pensant en soy meismes que longuement demourer en Angleterre ne li seroit pas seure chose, se transporta en Escoce, et s’alia et ferma aliances à Robert de Bruz, qui en ce temps estoit roy d’Escoce, et li promist à rendre la conté de Karleel qui li avoit esté donnée et à prendre sa suer à femme par mariage.
En cest année meismes, le roy d’Angleterre, avec grant plenté de gent d’armes qu’il avoit assamblé,
- ↑ Le comte de Lancastre fut exécuté près de Pontefract le 22 mars 1322 (Chronicles of the reigns of Edward I and Edward II, p. 302-303, et Thomas Walsingham, t. I, p. 164-165).
- ↑ Cf. Thomas Walsingham, Ibid., p. 168-169.
- ↑ Continuation de la Chronique latine de Guillaume de Nangis, éd. Géraud, t. II, p. 43 à 45, et Rec. des Hist. des Gaules et de la France, t. XX, p. 651-652. Cf. Continuation de Géraud de Frachet, Ibid., t. XXI, p. 58-59 ; Continuation de la Chronique de Jean de Saint-Victor, Ibid., p. 678-679, et Thomas Walsingham, Historia anglicana, t. I, p. 166-167.
