Pierre de la Broce[1], maistre chambellenc le roy, moult enflé et desdaing de ce que le roy amoit tant sa femme, ot trop grant envie, et li fu avis qu’il ne seroit plus si privé de lui comme il estoit devant, et que la grant hautesce où il estoit monté pourroit bien abaissier. Si pourpensa de jour en jour comment il pourroit appeticier l’amour qui estoit entre le roy et la royne, ne ne regardoit pas le lieu dont il estoit venu, ne le bas estat où il avoit esté. Car quant il vint à la court le roy Loys, il estoit i povre cirurgien et estoit né de Touraine ; si monta tant et haut que le roy Phelippe en fist son chambellenc et que il ne faisoit riens fors par son conseil ; ne les barons ne les prelaz ne faisoient riens à court si ne li faisoient grans presens et grans dons. Ceste chose desplut moult aus barons et orent grant indignacion de ce qu’il avoit si grant puissance devers le roy et faisoit si sa volenté, ne ne demandoit riens au roy, tant fust grant chose, qui de riens li fust escondit. Il requist au roy que maistre Pierre de Banay cousin sa femme fust evesque de Baiex[2] ; et tantost le roy voult et commanda qu’il fust evesque. Le chapitre de Baiex ne l’osa contredire pour la doubtance du roy. Le roy maria ses filz et ses filles là où il voult commander et tout à sa volenté.
Incidence[3]. — Henri[4] conte de Champaigne et roy de
- ↑ Sur Pierre de la Broce, son influence et sa disgrâce, voir Ch.-V. Langlois, Le règne de Philippe III le Hardi, p. 13 à 32.
- ↑ Pierre de Benais fut évêque de Bayeux de 1276 au 23 janvier 1306, date de sa mort.
- ↑ Pour cette incidence, cf. Chronique de Primat, dans Rec. des Hist. des Gaules et de la France, t. XXIII, p. 93.
- ↑ Henri III, roi de Navarre, mourut à Pampelune le 22 juil-
fra octabas Assumptionis beatæ Mariæ » (21 août) et dit qu’il fut célébré à Vincennes (cf. Chronique latine, t. I, p. 245).
