xxvi. Derechief, qu’il toli aus voisins d’entour, des maisons qui bien valent c livres de rente par an et plus.
xxvii. Derechief, que li borgois de Roen avoient forfet une franchise qui estoit en la vile, et il li donnerent xxxm livres, et einsi orent leur franchise.
xxviii. Derechief, li roys donna à mesire Berat de Marcueil1 xiic livres de terre prise à Chailli ; et il les vendi à messire Engerran viim livres, dont il ne paia que iiiim livres. Et de ces xiic livres de terre, failloit à asseoir lxxii livrées de terre ; pour lesquiex il prist lxii viles à clochiers en la chastelerie de Montleheri.
xxix. Derechief, à mestre Raoul de Joy qui avoit une maison à Tylly, que mesire Engerrant volt avoir ; et il li en fist donner une forfeture de iiiim livres et i chastel en Bretaigne qui bien valoit m livres.
xxx. Derechief, que du tornoy de Compigne, il fist aporter le remanant des garnisons nos seigneurs en son hostel.
xxxi. Derechief, mesire Jaques Laire avoit sus le tresor le roy iiiic livres de rente ; et lui en devoit on xixc livres d’arrerages, et il les vendi à monseigneur Engerran iiim livres à heritage à touzjours ; et il s’en paia tantost du tresor le roy, et ainsi ne li cousta [que] xic livres.
xxxii. Derechief, que en la conté de Longueville la Gyffart2, li roys ne li cuida asseoir que vic livres, et il en y a iim.
xxxiii. Derechief, Madame Blanche de Bretaygne3 li donna i moult biau manoir pour miex besoingnier à court.
xxxiiii. Derechief, que de la pierriere4 de Vernon il fist mener iiiim pierres à Escouyes et lii ymages, chascune du pris de xl livres.
1. Béraud X de Mercœur, 1294 à 1318.
2. Longueville, Seine-Inférieure, arr. de Dieppe, ch.-l. de cant. Sur le titre de comté donné alors à la terre de Longueville, qui n’eut ce titre qu’après 1333, voir Borrelli de Serres, Recherches sur divers services publics, t. III, p. 275 à 293.
3. Blanche de Bretagne, fille de Jean II, comte de Richemont, qui, en 1280, avait épousé Philippe d’Artois, fils de Robert II, comte d’Artois. Philippe mourut le 11 septembre 1298.
4. Ms. 17271, fol. 208. Cf. Louis Regnier, L’église Notre-Dame d’Écouis, p. 132, note 3, et, sur les statues de cette église, Ibid., p. 131 à 186. Chap. v : La statuaire.
