mis ilec. » Et lors, le roy respondant dist à son oncle : « Que voulez vous que je face de lui ne où je le mette ? » Et Charles conte de Valoys respondi : « Je veul que au Temple, hostel des Templiers jadis, soit mis en estroite prison. » Et yce dit, adonc par le commandement du roy, ledit Engorran, du Louvre où il estoit, à cheval, à belle compaignie de serjans chevauchans avec li, au Temple fu mené, moult de peuple après li alant pour le veoir, et de ce grant joie demenant ; et ylec, sous estroite garde fu mis en prison.
Adecertes en yce cours ; c’est à savoir le samedi devant Pasques fleuries[2], fu ademné Engorran de Marigny du Temple au Bois de Vincennes devant Loys roy de Navarre et moult de prelas et de barons du royaume de France pour lui ylec assamblez. Et lors, par le commandement du conte de Valoys, proposa maistre Jehan Haniere[3] contre ledit Engerran de Marigni les raysons et les articles que on li avoit enjoint. Et premierement prist son thieume de auctorité : Non
- ↑ Ce chapitre n’est pas traduit de la Continuation de la Chronique latine de Guillaume de Nangis. Cf. éd. Géraud, t. I, p. 415 à 418, et Rec. des Hist. des Gaules et de la France, t. XX, p. 612-613.
- ↑ 15 mars 1315.
- ↑ Jean d’Asnières (voir, sur cet avocat, Histoire littéraire de la France, t. XXVIII, p. 455 à 461). R. Delachenal, Histoire des avocats au Parlement de Paris, 1300-1600, p. 356-357, le nomme Jean Hanière.
