l’emperere tenoit siege à la cité de Brixe, Waleran son frere[1] s’en aloit par devant ladicte cité, lequel fu feru soudainement d’une saiete et mourut.
Ou temps meismes le siege durant, vindrent à l’emperere environ de toutes les citez d’Ytalie et li offrirent foy et loyauté aussi comme à leur seigneur.
Et en ce temps, iii cardinalz furent envoiez du pape ; c’est à savoir : le cardinal d’Ostie et deus autres pour le coronnement de l’emperere, lesquiex vindrent par Ytalie jusques à Rome[2]. Si avint depuis que la cité de Brixe ot esté sousmise à l’emperere Henri, il se departi par Cerdonne[3] et s’en ala à Jennes, et là fu receu très honnorablement ; et endementres qu’il se reposoit en la cité de Gennes, sa femme trespassa en ladicte cité[4].
En ce meismes temps, en Flandres, une comocion de rebellion de guerre se renouvela, laquelle n’avoit gueres par avant esté acoisié, pour laquelle chose, le conte de Flandres Robert fu grandement souppeçonné ; lequel fu de par le roy appellé à Paris[5] pour soy espurger ; lequel y vint. Mais Loys filz dudit conte, lequel estoit conte de Nevers, fu trouvez coupable ; le-
- ↑ Waleran, tué en 1311 au siège de Brescia, était le second fils d’Henri IV, comte de Luxembourg, et de Béatrix, fille de Baudouin d’Avesnes.
- ↑ Henri VII fut couronné à Rome dans l’église de Latran, le 29 juin 1312.
- ↑ Cerdonne ; latin : « Terdonam », Tortone.
- ↑ Marguerite, fille de Jean Ier duc de Brabant, femme de l’empereur Henri VII, mourut à Gênes le 11 décembre 1311.
- ↑ Philippe le Bel, le 13 octobre 1311, avait ajourné Robert de Béthune et son fils Louis de Nevers devant le Parlement (Funck-Brentano, Philippe le Bel en Flandre, p. 615).