dit Beraut au conte de Chierebourc pris avec aucuns autres. Et après, le roy de France fist prendre ledit Erart et pluseurs autres avec li et mettre en diverses prisons.
Et en cest an, Aubert roy des Romains[1] mourut et fu tué de un sien neveu, si comme l’en dist. Et après li fu roy Henri conte de Lucembourc.
Et en ce meismes an mourut la femme Jehan de Namur[2] environ la Purificacion Nostre Dame, laquelle il avoit espousée l’an precedent, et fu enterrée à Paris. Et l’an ensuivant il espousa la fille madame Blanche de Bretaigne[3].
Et en cest an, la grant indulgence que le pape avoit donnée l’an passé, ou temps qu’il estoit à Poitiers, à touz ceulz qui donroient de leur avoir à ceulz qui aloient oultre mer pour le subside de la Terre-Sainte, fu publiée par le royaume de France. De laquelle recepte avoit esté establi receveur le maistre de l’Opsital d’outre-mer[4]. Si fu ainsi ordené que à bien près, par toutes les eglises il y aroit i tronc ou i certain lieu ou-
- ↑ Albert Ier d’Autriche, empereur d’Occident, fut assassiné le 1er mai 1308 par son neveu Jean d’Autriche, prince de Souabe.
- ↑ La première femme de Jean Ier de Namur était Marguerite, petite-fille de saint Louis par Robert de Clermont, son père.
- ↑ Marie d’Artois, fille de Philippe d’Artois, seigneur de Conches, et de Blanche de Bretagne, fille de Jean, comte de Richemont.
- ↑ Voir, dans Raynaldi, Annales ecclesiastici, t. IV, p. 454 à 456, les lettres de Clément V du 11 août 1308, par lesquelles il engage les chrétiens à donner des subsides pour repousser les infidèles.
