lin[1] la patriarché de Jherusalem. Et si fist plaine grâce aus povres clers et les pourvoia de benefices selon ce que la merite de la personne le requeroit. Et le roy de France s’en retourna de Lyons après Noël en France.
En cest an meismes, le pape se parti de Lyons environ la Purificacion Nostre Dame, et s’en ala vers Bourdiaux[2] ; et là furent faites moult de maux et de roberies aus eglises tant layes comme de religion par li et par ses menistres, dont il avint, si comme l’en disoit, que frere Gile l’Augustin[3], arcevesque de Bourges, fu mis à si grant povreté que il, par neccessité, fu constraint à prendre les distribucions cotidiennes si comme i des simples chanoines, et hantoit les heures de l’eglise.
Et en ce meismes an, Robert duc de Bourgoigne mourut à Vernon ou moys de mars[4], duquel le corps fu portez en Bourgoigne, si come il l’avoit ordené en son vivant, et fu enterré à Cistiaux.
- ↑ Latin : « episcopo Dunelmensi » ; c’est l’évêque de Durham (Angleterre), Antoine de Beck, qui, le 26 février 1306, fut nommé patriarche de Jérusalem (Eubel, Hierarchia catholica medii ævi, p. 239).
- ↑ La Continuation de G. de Nangis donne son itinéraire : « Burdegalis per Matisconem, Divionem, Bituricas… et Lemovicas iter faciens. » Il arriva à Bordeaux vers le début de mai (cf. G. Lizerand, op. cit., p. 59 à 61).
- ↑ Gilles Colonna, archevêque de Bourges le 25 avril 1295, mourut le 22 décembre 1316. Sur les causes du différend qui s’était élevé entre Gilles Colonna et Clément V, voir Géraud, Chronique latine de Guillaume de Nangis, t. I, p. 351, note 2, et Gallia Christiana, t. II, col. 1187.
- ↑ Robert II mourut à Vernon le 21 mars 1306.
