niere garder. Et adecertes, en toutes manieres, les barons et les chevaliers, par la bouche noble conte d’Artois, après ce respondirent disans que de toute leur force estoient près et appareilliez pour la coronne du royaume de France encontre touz adversaires estriver et deffendre. Et ainsi, quant ycelui concile fu deslié et feni, fist lors crier la magesté royal que or ne argent, ne quelconque marcheandise du royaume de France ne fussent transportez. Et cil qui contre ce feroit, tout perdroit, et toutes voies, a tout le moins en grant amende ou en grant paine de corps seroit puni. Et dès lors en avant, fist le roy les issues et les pas, et les contrées du royaume de France très sagement garder.
[1]Et en ycest an ensement, quant les filz de Sanxion, le roy d’Espaingne pieça mors[2], furent legittimez par le pape Boniface[3], Ferrant l’ainsné[4] tint le royaume paternel. Mais Aufour et Ferrant[5] neveus au roy Loys de France, de sa fille, debatans viguereusement et forment leur droit, ycelui laissierent petitement regner en repos ne paisiblement, mais touz jours contre li guerroioient.
[6]En ycest an meismes resplendissoient en France
- ↑ Continuation de la Chronique latine de Guillaume de Nangis, dans Rec. des Hist. des Gaules et de la France, t. XX, p. 584, éd. Géraud, t. I, p. 316, note 1. Cf. Continuation, ibid., p. 329.
- ↑ Sanche IV, roi de Castille, mourut le 25 avril 1295.
- ↑ Les enfants de Sanche IV furent déclarés légitimes par une bulle du 6 septembre 1301.
- ↑ Ferdinand III, successeur de Sanche IV.
- ↑ Alphonse et Ferdinand, petits-fils de saint Louis par leur mère, Blanche, qui avoit épousé don Fernando de la Cerda, fils aîné d’Alphonse X, roi de Castille. Cf. supra, p. 170.
- ↑ Continuation de la Chronique latine de Guillaume de Nan-
