En ycest an ensement, le roy des Tartarins, Cassahan qui grant Champ[2] estoit appelé, merveilleusement et par miracle, si comme l’en dit, à la foy crestienne avec grant multitude de sa gent, fu converti par la fille le roy d’Armenie, qui estoit crestienne, qu’il avoit espousée. Lors avint que i innombrable ost et merveilleux assambla contre Sarrazins, et ot son mareschal de tout son ost le roy d’Armenie crestien. Et premierement vers Halappe se combati à eulz, et après à Camel, et non pas sanz grant occision et abateiz de sa gent, et de leur fait en raporta victoire. Et puis, quant il ot son ost rappareillié et rassemblé et ses forces reprises, si ensuivi les Sarrazins jusques à Damas, où le soudan avoit cueilli et amené grant ost. Et lors, ycelui roy des Tartarins ot ilec, encontre le soudan et ses Sarrazins moult merveilleuse bataille et aspre. cm des Sarrazins et moult plus furent detrenchiez et occis ; et le soudan, chacié de la bataille avec pou de sa gent en Babiloine se reçut. Et ainsi les Sar-
- ↑ Guillaume de Nangis, Chronique latine, dans Rec. des Hist. des Gaules et de la France, t. XX, p. 581. Cf. éd. Géraud, t. I, p. 307-308.
- ↑ G. de Nangis l’apelle « Magnus Canis ». Sur l’évangélisation des peuples de l’Orient et sur les luttes que les Tartares et les Arméniens soutinrent contre les Sarrasins, voir Raynaldi, op. cit., t. IV, p. 278-282. Cf. Marino Sanuto, Liber secretorum fidelium crucis Orientalis historiæ, t. II, p. 241-242, et Villani, Historie Fiorentine, dans Rerum italicarum scriptores, t. XIII, col. 365-366.
