aportoient le sommage[1] en l’ost ; si avenoit souvent qu’il venoient sanz conduit, et tantost il les prenoient et metoient à mort et emportoient le sommage. Le port de Rose[2] qui estoit à iiii milles de l’ost, là avoit le roy sa navie qui administroit l’ost de tout quanqu’il failloit pour vivre.
Pierre le roy d’Arragon estoit en moult grant pensée et en moult grant aguet comment il peust soustraire et oster la vitaille qui venoit du port de Rose en l’ost au roy de France. Si avint i jour qu’il assambla sa gent à pié et à cheval, et furent bien par nombre iiiic à cheval et iim à pié, et s’en vint celle part où il cuidoit miex trouver le sommage, et se tint ilec mucié repostement tant qu’il peust trouver ou attendre ce qu’il queroit. Une espie apperçut bien tout son afaire et son contenement, et s’en vint hastivement au connestable de France qui avoit nom Raoul d’Eu[4], et Jehan de Harecourt[5] qui estoit mareschal de l’ost, et
- ↑ Le sommage, l’approvisionnement.
- ↑ Rose, auj. Rosas, Espagne (Catalogne), prov. de Girone.
- ↑ Guillaume de Nangis, Gesta Philippi regis Franciæ, dans Rec. des Hist. des Gaules et de la France, t. XX, p. 534-537. Cf. Chronique de Primat (Ibid., t. XXIII, p. 104).
- ↑ Latin : « Radulpho de Nigella Franciæ constabulario. » C’est Raoul II de Clermont, seigneur de Nesle, qui, en 1285, succéda comme connétable à Humbert de Beaujeu.
- ↑ Jean II, seigneur de Harcourt, qui mourut le 21 décembre 1302.
