honneur. Atant se departi et chevaucha tant qu’il vint en France, et dit et raconta au roy Phelippe ce que il avoit oy et veu du roy d’Espaigne. Le roy pensa bien que ce venoit d’aucuns de ses privez qui estoient[1] en son service. Pour ceste chose, il fu moult en doubte aus quiex gens ne aus quiex personnes il se pourroit conseillier ne dire son secret.
Incidence[2]. — Assez tost après vindrent en France les messages du royaume de Tarse, et denoncierent au roy Phelippe, de par le roy de Tarse leur seigneur, que s’il vouloit aler outre-mer sus Sarrazins, que volentiers l’aideroit en toutes les manieres que il pourroit, et de gens et de conseil et de toutes autres choses dont il pourroit aidier. Ces messages qui vindrent de Tarse n’estoient mie Tartarins, ains estoient Georgiens. Si sont près voisins aus Tartarins et sont en leur subjection et en leur commandement, et croient en Nostre Seigneur Jhesu Crist. Il vindrent à Saint Denis en France celebrer la Pasque par le commandement le roy comme bons crestiens et parfaiz, selonc ce que il le monstroient et le faisoient à savoir. Quant il orent sejourné en France tant comme il leur plut, si s’en repairerent et s’en retornerent et alerent en Angleterre, et distrent au roy d’Angleterre ce meismes qu’il avoit dit au roy de France.
L’an de grâce mil CC LXX VII, l’apostole Jehan[3] qui
- ↑ De son hostel et de son service : leçon du Rec. des Hist. des Gaules et de la France, t. XX, p. 509, qui rend mieux le sens du texte de G. de Nangis : « cogitavit illum per quem sui status hospitii ita sciebatur, aut prope se morari in servitio, aut de suo consilio interesse ».
- ↑ Cf. Raynaldi, Annales ecclesiastici, t. III, p. 417-418.
- ↑ Jean XXI, appelé auparavant Pierre, était né à Lisbonne.
