due que iiii genevois[1], leur fu vendue ii sols[2], et les autres viandes monterent si haut qu’à paines i pooit on avenir. Et les tornois[3] qui estoient pris pour xviii genevois ne vodrent prendre que por tornois. Le roy sot comment la besongne aloit, si leur envoia le mareschal de l’ost pour moustrer qu’il feussent plus courtois à sa gent. Il respondirent plus par paour que par amors que il feroient la volenté le roy, et que le chastel estoit en son conmandement, et qu’il i venist demourer s’il li plesoit, mès que les Genevois qui estoient mariniers le roy ne venissent pas dedenz le chastel, pour ce qu’il estoient anemis aus Puiseins leur mestres. Le mareschal respondi que le roy n’avoit que fere de leur chastel ne de leur forterece, mais tant seulement que les malades de son ost feussent cortoisement traité, et que les viandes leur feussent données à certain pris et resonnable. Il otroierent tout ; mès po ou noient en firent, fors tant seulement de pain et de vin qu’il abandonnerent plus largement. Pour laquel chose François furent corroucié et distrent au roy qu’il voloient le chastiau destruire. Mais il ne s’i volt acorder, ançois respondi qu’il n’estoit pas partiz de France pour combatre aus crestiens.
- ↑ Latin : « quatuor denarios januenses ».
- ↑ Latin : « duos solidos turonenses ».
- ↑ Il faudrait douze tournois. On a dans le texte latin : « Quia duodecim turonensis prius decem et octo januenses valebant, et tunc nolebant recipere pro januensibus nisi denarios turonenses », c’est-à-dire qu’ils ne voulaient pas reconnaître aux tournois leur valeur supérieure d’un tiers à la monnaie de Gênes.
