grâces, il entrerent el champ et pristrent les despueilles et les autres biens à leur anemis, et puis alerent reposer. Ce champ où la bataille[1] fu, est apelez le champ du lyon. Et pour ce que le roy ot victoire en ce champ, il fist fere une abbaïe[2] en la place et donna rentes, terres, possessions pout xxx moines soustenir qui doivent estre en prieres et en oroisons pour le roy, et pour touz ceus qui reçurent mort en la place, de sa compaignie.
Corradin se desguisa, qu’il ne feust congneu et s’en vint à i chastel qui siet seur mer[4] et se tint iluec repostement jusques atant qu’il fu anuitié, et envoia aucuns de sa gent aus mariniers pour fere marchié de passer outre. Si come il orent fet leur couvenant et leur besongne toute aprestée, nouvelles en vindrent au chastelain qui le chastiau gardoit de par le roy. Tantost fist sa gent armer et prist Corradin et toute sa gent si comme il vouloient entrer en mer ; si en fist present au roy Karle qui mout en fu liez. Li abbés de Mont de Cassin envoia ses messages au roy et li manda
- ↑ Charles remporta la victoire de Tagliacozzo le 23 août 1268 (Lenain de Tillemont, t. VI, p. 120-123).
- ↑ Notre-Dame-de-la-Victoire, abbaye de Bernardins (Ibid., p. 123).
- ↑ Guillaume de Nangis, Vie de saint Louis, dans Rec. des Hist. des Gaules et de la France, t. XX, p. 436-437. Chronique latine, t. I, p. 234.
- ↑ Astura, ville de la campagne romaine à l’embouchure de l’Astura.
