Les autres barons qui furent pris en la bataille, qui estoient mestres et princes de la mauvaistié Mainfroi furent mis en liens et furent menez en diverses prisons. Quant il orent esté i an en prison, le roy leur donna leur vies et leur rendi leur terres sanz souffrir paine. Mais miex venist qu’il les eust mis en plus petit estat, car il furent tesmoing de l’Escripture qui dist : Misereamur impio, et non discet facere justiciam[1], c’est à dire : « Aiez pitié du mauvais, ja pour ce ne fera bien. »
Après ce que Bounivent fu conquis, ne demoura guieres que la fame Mainfroi[2] et ses enfanz furent renduz au roy ; et la cité de Nouchieres[3] et touz ceus du païs se rendirent à lui, et tint le roy une piece la terre et toute la contrée paisiblement. Après ces choses, avint que Henri[4], frere le roy d’Espaigne, chevalier preu en armes, sage home sanz foi et sanz loiauté, plain de tricherie, se parti de Tunes où il avoit esté sodoier, a tout grant plenté d’Espagnos au roy de Tunes, quer son frere le roy d’Espaigne l’avoit chacié hors du païs pour sa mauvaistié. Si s’en vint au roy Karle et se offri à fere son commandement. Le roy le reçut liéement pour ce qu’il estoit bon chevalier et
- ↑ Isaie, chap. xxvi, verset 10.
- ↑ Manfred avait épousé Béatrix, fille d’Amédée, comte de Savoie, veuve du comte de Saluces.
- ↑ Nouchières. Lucera, ville de Capitanate, Italie, prov. de Foggia.
- ↑ Henri de Castille, fils de Ferdinand III, roi de Castille, et de Béatrix de Souabe, prit ensuite le parti de Conradin. Fait prisonnier après la défaite de ce dernier, il ne fut délivré qu’en 1294 et mourut en 1304 (Lenain de Tillemont, t. VI, p. 98-106 et 130).
