malice et qui ne savoient pas la coustume du païs ne le langage. Quant li abbés de Saint-Nicolas qui les avoit en garde sot ce vilain cas, si le monstra à missire Gile Le Brun[1] qui adont estoit connestable de France ; si fu forment corrouciez, quar i des enfanz li apartenoit. Si s’en vindrent ambedui au roy de France et li requistrent qu’il leur feist droit du seigneur de Couci. Quant le roy sot la grant cruauté au sire de Couci, si le fist semondre et apeler que il venist à sa court por respondre de ce fet. Quant li sires de Couci entendi le mandement le roy, si vint à Paris et se presenta devant le roi et dist qu’il ne devoit pas respondre de ce fet devant le roy ; ançois dit qu’il en devoit respondre devant les pers de France, selonc la coustume de baronnie. A ce fu respondu du conseil le roy, que li sires de Couci ne tenoit pas sa terre en fié de baronnie ; et tout ce fu prouvé par les registres de la court de France, quar la terre de Boves[2] et la terre Golain[3], qui ont la seignorie et la digneté de baronnie, furent parties de la terre de Couci par raison de fraternité, par quoi il fu dit au seigneur de Couci, qu’il ne tenoit pas sa terre de baronnie, et couvenoit qu’il respondist devant le roy et qu’il ne pooit decliner sa court. Le roy le fist prendre par sergenz d’armes et le fist metre en la tour du Louvre en prison fermée, et li donna
- ↑ Gilles, sire de Traisgnies et de Silly, dit le Brun, fut connétable de France après Humbert V de Beaujeu, qui mourut en mai 1250. Gilles le Brun mourut en 1269 (cf. Lenain de Tillemont, t. III, p. 381, et Joinville, § 30).
- ↑ Boves, Somme, arr. d’Amiens, ch.-l. de cant.
- ↑ Golain est une faute pour Gournay. Peut-être Gournay-sur-Aronde, Oise, arr. de Compiègne, cant. de Ressons-sur-Matz.
