et hardiz. Bien a passé iv mois que noz ne finames d’esrer, et encor ne sommes nous pas enmi la terre au roy Cham. Si avons entendu par certaines personnes, que puis que Cham, le grant roy de Tharse, fu mors, que les barons et les chevaliers de Tharse, qui estoient en diversses contrées, mistrent par l’espace d’un an à assambler pour couronner le roy Cham qui maintenant regne[1]. Et à paines porent-il trouver place où il poissent estre tuit assamblé. Aucuns d’euls estoient en Ynde et li autre en la terre de Tarra ; et li autre el reanme de Rossie ; et li autre en la terre de Tartar ; et li autre en la terre de Sabba et de Insule[2] qui est la terre dont les iii rois furent qui vindrent aourer Nostre Seigneur en Jherusalem. Et sont la gent de celle terre crestien. Je fui en leur eglises et vi Jhesu Crist paint en la maniere que les iii roys li offrirent or, mirre et encens. Et orent premierement cil de Tartar la foy crestienne par euls et par leur amonnestement, et sont crestien, et le grant roy de Tharse et pluseurs de ses princes. Devant les portes des nobles hommes, sont les eglises où l’en sonne les cloches selonc la coustume des Latins ; et si i sont les tables, selonc la coustume des Grieus. Les Tartarins crestiens vont au matin premierement aus eglises, et aourent Nostre Seigneur Jhesu Crist, et puis après, vont saluer le roy en son palès. Et sachiez que noz avons trouvez pluseurs des
- ↑ Caiuk-Khan, petit-fils de Gengis-Khan, qui fut mis sur le trône le 24 août 1246 et mourut le 22 juin 1249 (Lenain de Tillemont, op. cit., t. III, chap. ccl et cccx).
- ↑ On a dans le texte latin : « Quidam enim eorum erant in India, alii vero in terra de Chatha, alii in Russia et alii in terra de Chascat et de Tangath. Hæc est terra, de qua tres reges in Bethlehem venerunt Christum adorare. »
