baïe de Cligni[1] et le pape vint encontre lui et le reçut a grant joie ; si demourerent ensamble par l’espace de xv jorz et ordenerent de la voie d’outre mer. Quant il orent lor besongne acordée, le roy demanda beneïçon et le pape li donna volentiers et l’assout de touz ses pechiez par couvenant que il iroit outre mer. Si comme le roy retornoit en France, nouveles li vindrent que le roy d’Arragon[2] estoit entrez en Prouvence a grant ost, pour avoir damoiselle Bietriz seur la royne de France, pour ce qu’il la vouloit donner à son filz. Le roy envoia grant partie de ses barons contre le roy d’Arragon et li manda qu’il se vousist souffrir de gaster la terre à la damoiselle. Quant les messages vindrent devant le roy d’Arragon et il sot la volenté du roy de France, il retorna en sa contrée et li manda qu’il ne feroit pas volentiers chose qui feust contre sa volenté ne qui li despleust. Et la damoiselle s’en vint en France à la roine sa suer, et mist son cors et sa terre en la deffensse et en la garde du roy.
Droitement le jour de Penthecoste[4], le roy fist venir touz ses barons et tint court pleniere el chastel de Me-
- ↑ Saint Louis vint à Cluny vers le 30 novembre 1245 et ses négociations avec Innocent IV durèrent sept jours (Mathieu de Paris, t. IV, p. 484. Cf. É. Berger, op. cit., p. cix).
- ↑ Jacques Ier, dit le Conquérant.
- ↑ Guillaume de Nangis, Vie de saint Louis, dans Rec. des Hist. des Gaules et de la France, t. XX, p. 354-355 ; Chronique latine, t. I, p. 200.
- ↑ 27 mai 1246.
