trée, et demourerent el païs tant comme yver dura. Quant le nouviau temps fu revenu, il s’en alerent tout le cours en destruisant le païs jusques à la cité de Franiste[1] et la destruirent par feu et par ocision ; et puis vindrent à la cité de Coine[2], qui est la mestre cité de Turquie. Assez tost après la pristrent et mistrent toute Turquie en leur subjection. Ainsi perdirent les Turs leur renon et toute leur force.
Quant les Tartarins orent gasté toute Turquie, il s’en retornerent de l’autre part et entrerent en la terre de Poloine, et par devers la mer il gasterrent la terre de Romille et celle de Gazarie[3], et destruirent et gasterent tout avant euls jusques en Hongrie. Iluec s’arresterent et vodrent avoir conseil d’entrer el roiaume de Hongrie, et il leur fu respondu qu’il alassent seurement, car li esperit de descorde et de mauvaise foi iroit devant euls et leur feroit voie et les conduiroit, par quoi li Hongre seroient si troublé qu’il ne porroient durer. Bien est voirs, devant ce que li Tartarin entrassent en Hongrie, le roy et les barons et le pueple dou païs estoient en si grant descort qu’il ne se porent apareillier pour euls deffendre, ançois s’enfouirent. Mais la greigneur partie d’entre eus fu avant occise et tornée à chetivoison. Après ce que le païz fu ainsi gastez et que les Tartarins s’en furent partiz, une famine
- ↑ Franiste. G. de Nangis : « Favastre », « Fanestre », l’ancienne Amastris, dans la Paphlagonie, auj. Amasra.
- ↑ Coine. G. de Nangis : Yconium, auj. Konieh, Turquie d’Asie (Anatolie).
- ↑ G. de Nangis dit : « vastaverunt Poloniam et Hungariam, et juxta mare Ponticum Russiam et Gazariam ». Les terres de Romille et de Gazarie désignent la Russie et la Crimée.
