vauchiée et en ce poigneiz fu le conte de Bar ou mort ou pris, car onques puis ne pot estre trouvé. Le conte de Monfort fu liez de cordes et les autres barons, et menez en diverses prisons. Aucuns commencierent à murmurer et dire parmi l’ost que Nostre Sires souffri cele perte pour ce que li conte tendoient plus à vaine gloire de chevalerie que à faire le profit de la Terre Sainte. Si tost comme ce domage fu avenu en la terre d’outre mer, le conte Richart de Cornouaille[1], frere le roy d’Engleterre, prist port a toute sa gent et a tout grant avoir pour venir en l’aide de la Terre Sainte. Quant il sot que l’ost des pelerins du reanme de France estoit si desconfortée pour la prise des barons qui si grant avoit esté faite, et de l’occision, si en ot grant pitié et pourchaça tant vers les Sarrazins que les prisonniers furent delivré et rachetez d’or et d’argent. Et fist tant vers les Sarrazins que il orent seur conduit d’aler jusques en Jherusalem pour visiter le saint sepulchre Nostre Seigneur. A celle foiz firent po ou noient les barons de France en la terre d’outre mer. Le conte de Monfort[2] qui avoit esté en prison s’en vint à Romme pour visiter les Apostres. Si le prist
- ↑ Richard, comte de Cornouailles et de Poitou, élu roi des Romains le 13 janvier 1257, était fils de Jean sans Terre et d’Isabelle d’Angoulême. Né le 5 janvier 1209, il mourut le 2 avril 1272. Il partit pour cette croisade en 1240 et en revint en 1241.
- ↑ Amauri VI resta prisonnier des infidèles jusqu’en 1241. Il mourut à son retour en France, à Otrante, la même année, et son corps fut inhumé à Rome dans l’église Saint-Jean de Latran.
toriens occidentaux, t. II, p. 414 et 543 à 546, et Aubry de Trois-Fontaines, dans Rec. des Hist. des Gaules et de la France, t. XXI, p. 625.
