crestiens, et cil qui gardoit miex les commandemenz de la foy crestienne ; si se porpenssa qu’il le feroit ocirre, et le prist en haine trop grant.
Ice Vieuz de la Montaigne est i roy qui habite en la fin de la contrée d’Antioche et de Damaz, en chastiaus bien garniz seanz sus montaignes et sus roches hautes. Il estoit mout doutez de crestiens. Il faisoit souvent ocirre pluseurs roys et pluseurs princes par ses haccasis[1] qu’il leur envoioit aussi comme messagiers. Ice roys des haccasis avoit pluseurs enfanz nez de sa terre que il faisoit norrir et entroduire en son palais, et leur faisoit aprendre toutes manieres de langages et à douter et à craindre leur seigneur terrien par dessus toutes autres creatures et obeir à lui jusques à la mort. Et leur faisoit-on entendant que par ce vendroient-il à la joie pardurable, meesmement celi qui morroit en l’obedience de son seigneur, ou qui estoit occis ou pendu, ou trainé, ou arz en faisant la volenté et le commandement de son seigneur, feust sens ou folie. Et avoec ce il estoit des genz de la terre honorez et tenuz pour saint. Le roy en fist ii venir devant lui et leur commanda qu’il alassent en France, et leur pria mout et requist qu’il occeissent le roy de France au plus tost que il porroient. Tantost se mis-
- ↑ Haccasis. Secte des Assassins qui se confond pour la doctrine avec les Ismaëlis ou Ismaëliens, membres d’une secte chiite, c’est-à-dire schismatique aux yeux des sectateurs de Mahomet.
sassins, voir Silvestre de Sacy, Mémoire sur la dynastie des Assassins et sur l’étymologie de leur nom, dans les Mémoires de l’Académie des Inscriptions et Belles-Lettres, t. IV (1818), 2e partie, p. 1-84, et Du Cange, Glossaire, éd. Favre, t. X, p. ccxxxv.
