Page:Viard - Grandes chroniques de France - Tome 6.djvu/87

pereres fu à pié et tint en sa main moult bone espée. Il feri le Tur entre le col et la senestre espaule, si que li cos^[1] de l’espée decendi parmi le piz ou destre costé. La piece chai qui emporta le col et la teste et le destre braz. Li Tur qui ce virent ne s’aresterent puis iluec, ançois s’enfoirent en la vile. Quant il raconterent aus autres le cop que il avoient veu, n’i out si hardi qui n’aust paor, si que tuit furent desespéré que il ne se pooissent tenir contre tel gent.

XVIII.

Comment l’ost fu delogié des jardins par le conseil d’aucuns princes desloiaux et traitres de Surie qui firent entendant qu’il prendroient la cité de l’autre part, dont elle n’avoit garde de assaut^[2].

^[3]Le flum et les jardins orent noz genz guenié tout à delivre. Lors tendirent lor pavelons entor la cité ; granz aisances orent des jardins en totes manieres^[4]. Li Sarradim monterent sor les murs et regarderent l’ost qui trop estoit biaus quant il fu logiez. Bien se pensoient que si granz genz auroient bien pooir de conquerre lor vile^[5]. Paor orent moult grant que il ne faissent aucune salie soudainement, par quoi il entrassent enz et les occissent toz. Por ce pridrent con-

1. Li cos, le coup.
2. Bibl. nat., ms. fr. 2813, fol. 218 v^o.
3. Guillaume de Tyr, liv. XVII, chap. V.
4. « Car pour leurs chevaulz bonnes herbes y trouverent, et pour les hommes bons fruiz meurs, de diverses manieres » (royal ms. 16 G VI, fol. 321 v^o).
5. « Et la tenoient pour toute prise, se l’ost des crestiens l’assailloit » (Ibid.).