que il devoit miauz aler en Jerusalem que demorer ailors. Li rois le crut et s’en ala sanz demorance totes ses jornées juques en Jerusalem. L’on le reçut a trop grant feste. Tote la vile li issi hors à l’encontre, nommehèement li clerc o totes lor processions[1]. Li rois et li autre baron le menerent par les sainz liex que il avoit moult desirriez à vooir. Quant il ot faites ses oresons, à son ostel l’enmenerent qui fu riches et abandonez[2]. La cort fu planiere et plantaive de totes choses ; l’endemain pridrent consel li empereres, li rois de France et li rois de Surie, li patriarche et li autre baron qui là estoient, des afaires de la terre, comment il seroient mené. Par la volenté de toz fu acordé que l’on prait[3] un jor que il asemblasent tuit en la cité d’Acre et egardassent en quel maniere il peusent mieux faire le prou de la chrestienté. Li jors vint, il asemblerent tuit li grant home qui venir i porent.
[5]Corraz, li empereres d’Alemagne, fu à ce parlement et mesire Othes ses freres qui estoit prouzde
- ↑ « Tout aussi comme les enfans à l’encontre de Jhesu Crist quant il entra en Jherusalem disoient : « Sire tu soies benoit, car tu es le sauvement de creature » ; tout aussi crioient les clers au roy : « Benoit soies tu sire, qui en ceste cité arrives » (royal ms. 16 G VI, fol. 318 vo, en note).
- ↑ Abandonez, livré à sa discrétion.
- ↑ Prait, prit.
- ↑ Bibl. nat., ms. fr. 2813, fol. 217.
- ↑ Guillaume de Tyr, liv. XVII, chap. I.
