grant cuer ; li cuens de Thoulouse, Alfons[1] avoit non, fiuz li bon conte Raimon qui fu si bons princes et fit de si granz ovres ou prumeraim ost des barons, quant il pridrent Anthioche et Jerusalem. Moult avoit l’on cetui atendu longuement en la terre de Surie, car il avoient esperance que il lor deust tenir grant lieu contre les enemis de la foi. De soi estoit-il sages et de grant emprise ; mais encores l’onoroit-on plus en la terre de Surie por son pere que por li. Granz biens aust faiz ou païs, mais trop tost fu desavanciez, car quant il mut d’Acre por aler en Jerusalem por vooir le sepucre et les autres sains lex, il vint en la cité de Cesaire qui siet en la marine ; iluec uns fiuz de deable, l’on ne set qui ce fu ne pour quoi il le fit, mais il l’anpoisona de venim que il mit en sa viande. Tantost fu morz li prouzdom[2]. Grant duel en firent et riche et povre par tote Surie.
[4]En la cité de Jerusalem vint la novele que li rois de France s’étoit partiz d’Anthioche et s’en venoit tot
- ↑ Alfonse Jourdain, fils de Raimond IV dit de Saint-Gilles, fut comte de Toulouse de 1112 à 1148.
- ↑ Alfonse Jourdain mourut vers le milieu du mois d’avril 1148, à l’âge de quarante-cinq ans (cf. D. Vaissete, Hist. de Languedoc, nouv. éd., t. III, p. 755).
- ↑ Bibl. nat., ms. fr. 2813, fol. 216 vo.
- ↑ Guillaume de Tyr, liv. XVI, chap. XXIX.
