Page:Viard - Grandes chroniques de France - Tome 6.djvu/69

anciene cité qui ot non Seleuce^[1], près d’Anthioche, à X miles.

XI.

Comment le prince d’Antyoche reçut le roy de France et ses gens en sa cité moult honorablement et puis le voult traïr^[2].

^[3]Raimons, li princes d’Anthioches, oï la novele que li rois Loois de France estoit arivez en sa terre et près de lui. Grant joie en ot, car il avoit longuement desirié sa venue. Il prit ovoc li des grenors barons de sa terre et bele compaignie d’autres genz ; si li ala à l’encontre. Grant joie li fit et grant honor, dedenz la cité d’Anthioche le mena, et lui et totes ses genz. Li clergiez et li poples de la vile le reçurent à procession moult liement. Li princes se pena de faire quanque il cuida qui deust plaire au roi. En France meimes, quant il oï dire que il estoit croisiez, li avoit-il envoiez granz presenz et riches joiaus por ce que il avoit esperance que par l’aide des François deust-il conquerre citez et chastiaus sor ses enemis et croitre bien en loign le pooir de la princée d’Anthioche. Bien cuidoit estre seurs que la roine de France Alienors li deust aidier et metre son segnor en tel volenté, car ele venoit en ce pelerinage et estoit niece le prince, file de son frere

Orontis fluminis, quod Antiochiam præterlabitur. » Il s’agit donc bien de l’Oronte, près duquel était Antioche.

1. Seleuce est l’ancienne Seleucia Pieria, une des villes principales de la Séleucide ou Tétrapole, située près du mont Pierus et à l’embouchure de l’Oronte.
2. Bibl. nat., ms. fr. 2813, fol. 216.
3. Guillaume de Tyr, liv. XVI, chap. XXVII.