le Vif de Seanz[1], Thiebauz li abbés de Sainte Columbe[2] et mainte autre personne de sainte eglise.
En ce maime termine se croisa Corraz[3] li empereres d’Alemagne et ses niés, Ferris li duc de Saisoigne[4], qui puis fu empereres, quant il orent oïe la mesaventure de la terre d’outre mer. Et Amez[5] se croisa, li cuens de Moriene, oncles le roi Loois[6] et plusor autre baron de grant renommée.
Après ces choses ainsi faites, Poinces[7], li honorables abbés de Verzelai fonda une eglise en honnor de la sainte croiz, ou lieu de cele sainte predicatiom, por l’onor et por la reverence de la croiz que li rois et li baron orent ilueques prise tot droit ou pendant dou tertre entre Ecuen[8] et Vezalai, en laquele Nostre Sires a puis montré moult aperz miracles. Tot l’an entier porta li rois la croiz, de l’une Pasques jusques à l’autre, et outre, jusques à la Pentecoste[9] ainz que il meut outre mer.
- ↑ Herbert, abbé de Saint-Pierre-le-Vif de Sens de 1124 au mois de mai 1147.
- ↑ Thibaut de Payns, fils de Hugues de Payns, premier maître de l’ordre du Temple, abbé de Sainte-Colombe de 1139 à 1148.
- ↑ Conrad III, empereur d’Allemagne, prit la croix à la diète de Spire le jour de Noël (25 décembre) 1146.
- ↑ Frédéric Ier Barberousse qui, en 1152, succéda à son oncle Conrad III.
- ↑ Amédée II, comte de Savoie.
- ↑ Louis VI le Grois avait épousé Adélaïde, sœur d’Amédée II.
- ↑ Pons de Montboissier fut abbé de Vézelay de 1148 au 14 octobre 1161, date de sa mort.
- ↑ Ecuen, auj. Asquins, Yonne, arr. d’Avallon, cant. de Vézelay.
- ↑ En 1147 la Pentecôte tombait le 8 juin, et c’est bien ce
