Incidence. — [1]Au tens que Challes li Simples regnoit, qui fu li Vmes après Kallemaine le Grant, uns tyranz qui avoit à non Rollo, vint par mer o grant infinité de genz de sa terre qui estoient apelé Normant. Si vaut autant à dire en François, come home septentrional, home qui sont né des parties devers Septentrion. Car ceste sillabe Nort, vaut autant en leur langue comme Septentrion et man, si vaut autant comme hom[2]. Cil Rollo et sa gent ariva en Neustrie et prist la cité de Rouan et toute la contrée, et du non de sa gent l’apela Normandie. Cil tyranz fist moult de maus à sainte Eglise en son venir et conquist toute la duchée de Normandie seur celui Kalle le Simple ; toutes voies pacifia à lui et li dona sa fille en mariage et li otroia toute la terre que il avoit seur lui conquise. Ensi come Diex le vout, cil Rollo se converti à la foi crestiene et fu baptiziez, il et sa gent. Si ot non li dux Roberz, en l’an de l’Incarnation DCCCC et XII anz.
Lonc tens après ce que ce avint, Guillaumes, dux de Normandie, qui à seurnon estoit apelez bastarz, conquist Angleterre ; et si come aucun volent dire, lors à primes ot finement la generation des Bretons qui de Brut estoit descendue[3], qui le premiers rois d’Angleterre fu,
- ↑ Rigord, Gesta Philippi Augusti, § 38.
- ↑ Cf. Raoul Glaber, Historiarum libri quinque, liv. I, cap. V, § 18 (éd. Prou) : « Siquidem lingua illorum propria Nort aquilo dicitur, Mint quoque populus appellatur ; inde vero Normanni quasi aquilonaris populus denominatur. »
- ↑ Latin : « Et tunc defecerunt reges qui a Bruto descenderant. »
