fié la persecution que il orent puis, quant il furent tuit bani dou roiaume de France.
[1]Entor un mois aprés le coronement le roi, avint que uns tyrant, qui avoit non Hebes de Charenton[2], prist forment à grever les eglises et les abbaïes de Berri, en la contrée de Boorges, en toutes[3] et en rapines, et en maintes autres exactions. Quant li clerc et les religions[4] ne pourent plus endurer les gries que il leur fesoit, il en firent au roi complainte par leur messages et li proierent humblement que il leur portast envers lui garantie et les torz faiz leur feist amender. Quant li rois oï leur complainte, il fu tot embrasez d’amor et de jalousie[5] pour venchier la honte de sainte Eglise et se presenta pour escu et pour mur encontre tote persecution, pour sa droiture garantir. Genz assembla et entra en sa terre a grant force, viles brisa et prist proies, et si viguereusement abati son orguel en poi de tens que cil vint à ses piez à merci et li requist pardon de ses meffaiz[6]. Li rois qui fu misericors les li
- ↑ Rigord, Gesta Philippi Augusti, § 7.
- ↑ Hebes VI, sire de Charenton (Cher, arr. de Saint-Amand, ch.-l. de cant.).
- ↑ En toutes, en impôts.
- ↑ Les religions, les maisons religieuses.
- ↑ Embrasez d’amor et de jalousie ; latin : « zelo Dei accensus ».
- ↑ A. Cartellieri (op. cit., p. 83) place cette campagne à la fin du mois d’août 1180.
