Le texte de cette page a été corrigé et est conforme au fac-similé.
au roiaume de France. Ce fu cil Phelippes qui tant fu sages et viguerous que il se defendi de ses enemis et conquit Normendie, Anjou et Poitou et Auvergne sor le roi Herri et Richart son fil, et les chaça en Angleterre. De cetui Phelippe parlera desoremais l’estoire ; et si n’antrelaissera pas l’estoire à parler dou pere juques à ce point que il trespassa de ce siecle. Car puis que li enfes Phelippes fu nez, regna il longuement juques atant que il fu coronez en la cité de Rains. Mais à son coronement ne fut pas li peres, car il estoit ja malades et feruz de paralisie, si come l’estoire dira ci après plus plainement.
