Page:Viard - Grandes chroniques de France - Tome 6.djvu/109

la paor que il ot de cete mortalité, laissa le siege et s’en vint fuiant juques en Toscane. Au chemin se mit parmi Lombardie ; mais cil de la terre li firent assez de honte et le chacierent de lor païs, et ensi s’en ala fuiant juques en Suse^[1]. De là, se parti a bien petite compagnie, ausi come en larrecim, et passa les monz si com il pout. Si très durement fu cil daloiaus empereres espoentez et ebahiz de la multitude de gent que il perdi en cel ost, que de barons, que d’evesques, que d’autre menu pople, que il n’i osa plus arester, ainz s’en vint fuiant en Alemagne.

XXVI.

Comment le roy Loys ala à ost sus le conte de Clermont et son filz et autres tyrans qui persecutoient les eglises et les povres et les pelerins, et comment le roy les desconfist et prist^[2].

^[3]Il avint en ce tens que li cuens de Clermont en Auvergne^[4] et ses niés, li cuens Guillaumes dou Pui, et li viscuens de Polinet^[5], qui avoient acostumé à demener lor vie en rapines et en roberies, come cil qui ro-

1. Frédéric Barberousse fut à Suse (Piémont) au mois de mars 1168.
2. Bibl. nat., ms. fr. 2813, fol. 221 v^o.
3. Historia gloriosi regis Ludovici, chap. XXII.
4. Ce comte de Clermont est probablement Guillaume VIII, oncle paternel de Guillaume, comte de Puy, qui est le même personnage que Guillaume VII, comte d’Auvergne (Hist. de Languedoc, nouv. éd. t. IV, p. 89-90, § 13).
5. Le vicomte de Polignac, Pons, qui succéda à Armand IV, vicomte de Polignac, son père, entre 1162 et 1165 (Hist. de Languedoc, nouv. éd., t. III, p. 826).