estoit en lui mise toute l’esperance de tout le roiaume. En ce point envoia Guerri l’evesques de Capes[1] au pere, pour conseil querre d’aucune besoignes. Tandis com il demoroit là pour atendre la response des prelaz, pluseur furent, et François et Alemant, qui li distrent que il amonnestast le roi que il venist à son pere et que il se tenist desoremais près de lui, car viellece et li deulz de ses fiuz qui mort estoient l’avoient moult afebloié. Cil Guerris retorna et conta au roi ceste chose et li rois à son conseil s’en consella, et il li loerent[2] presque tuit que il le feist ensi comme li baron li mandoient, car il leur sembloit que ce fust ses preuz et son eurs[3]. Mais li rois ot autre conseil de soi meismes, ne ne le vot pas ensi faire pour ce que li peres ne l’eust soupeçonneus et que il n’i notast aucune chose. Pour ce n’i vot pas aler, ainz demora en Aquitaine. A ceus à cui il avoit guerre, qui pais li requeroient, donna trives jusques à un an.
- ↑ L’evesque de Capes. On a dans le latin : « Gerrico capis prælato. » Capis désigne non une ville, mais les oiseaux de proie, comme l’indiquent ces vers d’Ermoldus Nigellus :
« Seu glacie stringente solum sub tempore brumæ
Unguigeris volucres exagitaris capis, »et prælatus capis signifie le préposé aux oiseaux de proie, c’est-à-dire le fauconnier (voir Du Cange au mot Capus ; cf. Rec. des Hist. des Gaules et de la France, t. VI, p. 49, note c).
- ↑ Li loerent, lui conseillèrent.
- ↑ Ses preuz et son eurs, son profit et sa fortune.