moult en occistrent en fuiant et si ne finerent ainques d’enchaucier et d’ocire jusques à tant que il fu nuiz et que les estoiles aparurent ou ciel. Après cete victoire, retornerent à leur compagnons, longuement sistrent devant la cité et puis retornerent en leur païs quant il orent le païs destruit et gasté.
[1]L’année après[2], li rois rasembla ses oz et ala il meismes asegier Tortouse[3]. Ovec lui, ot Haribert[4], Liutart et Ysembart et grant aide de la gent de France. Ses engins fist lancier aus murs et aus tors de la cité, et tant en craventa que cil dedenz, qui assez perdoient de leur genz aus assauz, se desespererent et li rendirent les clés de la cité que il envoia puis à Karlemaine son pere. Moult furent espoenté li Sarrazin et li Mor de cele contrée et se doutoient moult que il ne perdissent leur forterece par autel aventure. Mais li rois retorna en Aquitaine xl jor après ce que li sieges fu commenciez.
[5]L’année après, rasembla li rois son ost pour assegier la cité d’Osque. A cele foiz fu livrée au conte Haribert[6] que ses peres li avoit envoié. Là vindent sa
- ↑ Vita Hludowici imperatoris, chap. xvi.
- ↑ 811.
- ↑ Sur la date du siège de cette ville, voir Hist. de Languedoc, nouv. éd., t. II, p. 333, note 90, § 10 à 16.
- ↑ Heribert, frère de Bernard, duc de Septimanie, fut privé de la vue par Lothaire et ses frères en 830, lors de leur révolte contre leur père, Louis le Débonnaire, et emprisonné en Italie (Nithard, Historia, liv. I, chap. iii ; Vita Hludowici imperatoris, chap. xlv).
- ↑ Vita Hludowici imperatoris, chap. xvii.
- ↑ Heribert était auprès de Louis comme missus dominicus de Charlemagne, « cum misso patris Heriberto ».
