berz[1] estoit nommez, qui representast la persone dou fil et conduisist les oz pour le fil et pour le pere.
Ensi demora li rois en Aquitaine pour garnir les fluns de nés et de galies, et ses oz erra tant que il vint à Barcinone ; là pristent conseil li chevetain comment il porroient seurprendre leur anemis. Si s’acorderent à ce que il feroient petites nés et puis partiroient chascune en iiii parties, teles que chascune peust estre portée jusques au flum à ii chevaus ou à ii muls, et puis fussent jointes ensemble à bandes et à clous, et puis estoupées d’estoupes, de cire et de poiz.
Quant il se furent tuit à ce acordé, Ingoberz prist grant partie de l’ost et s’en ala vers Tortouse. Hademares et Bera et li autre qui pour ceste besoigne avoient esté esleu chevauchierent par iii jors ; si n’avoient coverture fors du ciel, car il n’avoient tente ni pavellon ; si ne fesoient feu, se petit non que il ne fussent aperceu par la fumée. Le jor se reponnoient es bois et par nuit erroient tant com il pooient. Au quart jor, joinstrent les membres de leur nés ensemble et les garnirent bien d’estoupes et de poiz ; dedenz entrerent et passerent en tele maniere le flum d’Iberus, et les chevaus firent noer[2] tout outre. Cist faiz leur donna bon commencement, et pour ce peussent avoir
- ↑ Ingobert, qui portait le titre, de comte, remplit alors le rôle de missus dominicus, « misit ei missum suum Ingobertum ». Après la mort de Charlemagne, il eut avec Wala, Warnaire et Lambert une mission délicate à remplir à la cour (Vita Hludowici imperatoris, chap. xxi) et, en 822, il fut nommé missus dominicus pour la province de Rouen, avec l’archevêque Gilbert (Capitulaire de Louis le Pieux, § 25, dans Rec. des Hist. des Gaules et de la France, t. VI, p. 435).
- ↑ Noer, nager.
