et en amenerent granz proies, car il troverent les Sarrazins desproveuz, qui pas ne se gardoient de tele aventure. Et cil qui eschaper porent s’espandirent par tout le païs et esmurent toute la contrée. Lors s’asemblerent Sarrazins et Mor en grant multitude, et leur vindrent au devant à l’entrée d’une valée qui est apelée li Vaus d’Ilbane[1]. Cele valée, si est faite en tele disposition que ele est parfonde et plaine[2] et de toutes parz avironnée de hautes montagnes ; et se il ne l’eussent eschivée par la volenté Nostre Segneur, il eussent esté pris ou craventé de pierres sanz granz travail de leur anemis. Et endementiers que li Sarrazins garnissoient le pas, li nostre tornerent autre voie qui estoit plus haute et plus plaine[3], et quant li Sarrazins et li Mor virent ce, il cuiderent que il ne le feissent pas tant seulement pour iaus garder et eschiver le peril, ainz cuiderent que il le feissent plus pour la paor que il eussent d’aus. Lors les commencierent à enchaucier par darriers, et li nostre laissierent la proie devant iaus quant il les aperçurent et tornerent les faces devers leur anemis ; hardiement et vertueusement leur contresterent, et firent tant à l’aide Nostre Segneur que il tornerent en fuie, puis retornerent à leur proie[4], et errerent tant lié et joiant que il vindrent
- ↑ « Ad hostium vallis, quæ dicitur Valla Ibana. »
- ↑ Latin : « in profundo jacens. »
- ↑ Latin : « viam apertiorem planioremque. »
- ↑ Le royal ms. 16 G VI, du Brit. Mus., fol. 190, ajoute ici
dans un pays ennemi très accidenté, dans l’espace de vingt jours, et la direction opposée que semble suivre l’armée de Louis le Débonnaire nous engagent à ne pas accepter l’identification de Paulin Paris et à nous tenir sur la prudente réserve de Marca.
