ir[1]. Si longuement les contrainstrent en tel maniere que il ot dedenz si très grant famine, que il esrachoient les viez cuirs des portes et des huis, si les metoient tremper en iaue, et puis les menjoient pour viande, et li autre, qui mieuz amoient à morir que à languir en tel doleur, se lessoient chaoir des murs à terre. Aucuns en i avoit qui cuidoient que li François se deussent departir pour le fort yver qui aprochoit. Mais cil defors, qui bien pensoient que aucun de ceus dedenz avoient tele esperance, firent aporter busches et ramilles pour faire loges et maisons ausi comme pour demorer tout l’iver. Et quant cil dedenz virent ce, il chairent tantost en desesperance. Lors, orent conseil li plus grant que il vendroient aus crestiens et leur rendroient Hamur leur prince, qui cousins estoit Zadon le segneur de la vile, qui à celui l’avoit baillié en garde par tel condition que quant il auroient celui Hamur et la vile rendue, que il s’en peussent aler sauves leurs vies.
Cil dehors, qui bien savoient que la citez ne se pooit plus tenir et que ele estoit ou au prendre ou au rendre, orent conseil que il manderoient au roi que il venist au siege, pour ce que à grant honeur li seroit atorné se si puissanz et si noble citez estoit prise en sa presence. Li rois s’i acorda volentiers et vint à son ost hastivement[2]. Par vi semaines fist la cité asalir conti-
- ↑ Ermoldus Nigellus, dans son poème De rebus gestis Ludovici pii, liv. I, vers 269 et suiv., s’étend longuement sur le siège de Barcelone.
- ↑ Himly, dans son ouvrage Wala et Louis le Débonnaire, p. 44, dit que « Louis fondait le monastère de Conches (sic) pendant que le duc Guillaume de Toulouse affamait la ville ».
