toiles que Adenulphes[1], qui par s’auctorité avoit esté ordenez à evesque, tenist son siege et feist office d’evesque, et Haymaires[2] chantast messe, se il voloit, et eust partie des biens de l’eveschié de Loon. Lors se traist avant Adenulphes et requist à l’Apostoile que il l’asousist de l’eveschié, pour ce disoit que il estoit trop foibles desoremais[3] à porter si grant fais, et que il voloit entrer en religion. Mès il ne pot ce empetrer, ainz li fu commandé et par le commandement le roi et des evesques qui sa partie soustenoient, que il feist office d’evesque et que il tenist son siege. Et quant li evesques de la partie Haimaire orent oï que li Apostoiles ot dist que il chantast messe se il voloit, et que li rois se consentoit assez que il eust partie des biens de l’eveschié, cil et li evesques des autres provinces et des autres regions, sanz ce que l’on ne le cuidast mie, amenerent Haymayre tout revestu comme prestre, en la presence l’Apostoile et sanz commandement, et puis l’emmenerent chantant jusques en l’eglise et li fesoient doner beneïçon à pople, et atant departi li conciles.
L’endemain, semonst Bosons le roi et sa fame au mengier ovec lui, et li rois i ala et mena aucun de ses conseilliers. Moult le fist bien servir de diverses viandes et de divers vins ; là fu faiz uns mariages de la fille Bo-
- ↑ Hadenulf avait, en 876, remplacé sur le siège de Laon Hincmar, qui en avait été dépossédé.
- ↑ « Qui avugle estoit » (royal ms. 16 G VI, fol. 237 vo, en note), qui traduit le latin « cæcus ». Hincmar, évêque de Laon, avait, en effet, été jeté en prison et avait eu les yeux crevés (cf. Histoire littéraire de la France, t. V, p. 522 à 527).
- ↑ « Pour certaine maladie qui moult grief le tenoit » (royal ms. 16 G VI, fol. 237 vo, en note).
