Page:Viard - Grandes chroniques de France - Tome 4.djvu/288

raemplie et saoulée de precieus cors saints, martyrs, confessors et virges, qui laienz reposent corporement, dignement et honorablement. Premierement, li cors monsegneur saint Denyse l’Ariopagite, martyr et apostre de France, et de ses II compagnons, saint Ruth et saint Eleuthere. Après, li cors saint Ypolite le martyr et de sainte Concorde sa norrice, et li cors monsegneur saint Eustace le martyr, li cors monsegneur saint Fremin le martir, le premier evesque d’Amiens, et li cors madame sainte Osmanne, et III des XI^m virges^[1] qui furent martyriés à Cologne, sainte Semibare, sainte Seconde et sainte Panefrede, et sont toutes IIII ensemble en une chasse et en lor propre oratoire. Après, li uns des Innocens que li rois Herodes fist decoler, en un bercelet de paumes, et li uns des compagnons monseigneur saint Morise, et sont mis tout en une chasse. Après, gist li cors saint Peregrin le martyr et premier evesque d’Auceurre, qui fu laienz aportez par grant miracle. Après, gist li cors saint Hylaire de Poitiers, le glorieus confessor, et li cors saint Patrocle, le martyr, tout ensemble en une chasse. Après, gist li cors monsegneur saint Cucuphas^[2], le martyr, tout par soi, en une chasse. Après, gist li cors saint Eugine, le martyr, le premier arcevesque de Tholete, qui fu des deciples monsegneur saint Denys. Après, gist li cors du glorieus confessor saint Hylier, qui fu evesques de Gaiete en Espagne. Après, gist li

1. D’après Dom Félibien, Histoire de l’abbaye de Saint-Denis, p. 199, les reliques de ces trois saintes n’y auraient été apportées qu’en 1168. Cf. Jacques Doublet, op. cit., p. 256.
2. Sur ces reliques rapportées de Rome vers 764, voir D. Félibien, Hist. de l’abbaye de Saint-Denis, p. 53.