setes soutiment ovrées. Ovec ce, dona un autre grant vaissel d’eleutre ; si est aornez ou milieu et tout entor de grant plenté de sardenes et de granez. [1]Ovec ce, dona un merveilleusement riche jouel, que l’on apele l’escrain Kalle, si riche et si precieus que à paines le porroit-on aprisier, tout fait de saphirs et de rubis et d’esmeraudes et d’autres manieres de pierres enchastonées en or. Si est joinz par III ordres, l’une sor l’autre, et est mis sor le maistre autel aus granz festes, et est assis seur un siege precieus ; c’est asavoir, un vaissel de pur argent par dedenz, et par defors, soutiment ovré et covert de bendes d’or aorné de grans saffirs et fins, de grosses esmeraudes et de gros pelles, et dedenz ce vaissel est seelez le braz saint Apollinaire le martyr, qui fu li premiers arcevesques de Ravane et deciples saint Pere. Ovec ce, dona V pere de tiextes d’Evangiles soutiment ovrez d’or et de pierres precieuses et si rendi aus martyrs sa grant corone emperial[2] qui est pendue aus granz festes devant le maistre autel ovec les corones des autres rois. Et si doit chascuns savoir que tuit li roi de France doivent laienz rendre et offrir aus martyrs leur corones dont il sont coroné au roiaume, ou envoier quant il trespassent de cest siecle, car eles sont leur par droit.
[3]Et se l’eglise est aornée de dras de soie et de pailes d’or et d’argent et de pierres precieuses, si est-elle garnie d’autres plus precieus aornemenz, car ele est
- ↑ Voir sur ce joyau Jacques Doublet, op. cit., p. 335.
- ↑ Voir sur cette couronne, qui fut détruite sous la Ligue, Jacques Doublet, Histoire de l’abbaye de Saint-Denys, p. 367.
- ↑ Cette dernière partie est l’énumération d’un certain nombre de reliques possédées par l’abbaye de Saint-Denis, mais qui ne lui furent pas données par Charles le Chauve.
