pereres enveoit par lui à l’eglise Saint Pere. Et quant Kallemaines oï dire d’autre part, par un message qui li menti, que li empereres et li Apostoiles venoient seur lui a granz genz, si s’enfui arrieres ysnelement par cele meisme voie que il estoit venuz ; et ensi departirent à cele foiz li un et li autre sanz bataille, par la volenté Nostre Segneur.
En ce retor que li empereres fesoit, le prist une fievre. De lui estoit moult privez et moult acointés un Juis qui Sezechias[1] avoit non. Une poudre li envoia pour boire et li fist acroire que il gariroit par cele poudre. Cil en but, mais ele li fu plus cause de sa mort que de sa santé, car tantost com il ot beu le venin dont ele estoit faire et confite, il fu si abatuz que il covint que ses genz l’emportassent entre braz. En tel maniere passa les monz de Moncenis, jusques à un lieu qui est apelez Brios[2]. A l’empererriz Richeut qui esoit à Moriene[3] manda qu’ele venist à lui, et ele si fist. Touz jors engreja sa maladie et fu morz en XI jor que il ot beu le venin, le jor devant la seconde none d’octovre[4]. Ses genz fendirent le cors et osterent les
- ↑ Latin « Sedechias ».
- ↑ Brios serait peut-être aujourd’hui Avrieux, Savoie, arr. de Saint-Jean-de-Maurienne, cant. de Modane (J. Vernier, Dict. topographique de la Savoie ; cf. Notice sur le village de Brios, où mourut Charles le Chauve, dans Mémoires de l’Acad. de Savoie (1835), t. VII, p. 265-285, par Alex. Billiet). M. Philipon (le Second royaume de Bourgogne, dans Ann. Soc. émul. Ain, 1896, p. 634) conteste les identifications proposées pour Brios, sans donner de nouvelles indications.
- ↑ Latin « apud Moriennam », à Saint-Jean-de-Maurienne.
- ↑ Les Annales de Saint-Bertin disent qu’il mourut le 2 des nones d’octobre, « mortuus est II nonas octobris », soit le 6 octobre.
