furent presenté dons à l’empereor de par l’Apostoile, et entre les autres, I ceptres et I baston d’or, et à l’empereriz, drap de soie et un fermail à pierres precieuses. Atant departi li conciles à cele jornée.
[1]Le jor devant la premiere yde de juin[2], rassembla li conciles ; mès avant que il fust commenciez, i envoia li empereres les messages l’Apostoile pour parler aus arcevesques et aus evesques, pour eus reprendre de ce que il n’estoient pas venu le jor, si com il leur avoit commandé ; mès il respondirent si raisonablement que l’on s’en dut tenir apaiez[3]. Derechief, fu lue l’epistre l’Apostoile de l’arcevesque Ensegise par le commandement l’empereor, et la lut Jehans li Toscans, li nuns des messages l’Apostoile. Si fu demandée derechief aus prelaz novele response, et il reponsidrent que volentiers obeiroient selonc la reule des canons, ausi come leur ancesor avoient obei aus siens. Lors fu leur response plus legierement receue que ele n’avoit esté devant, en la presence l’empereor. Après ce, fu parlé