li dux Salemons envoia à lui Wigon son fil, a grant compagnie des plus nobles homes de Bretagne. Au roi se recommanda et li jura feuté devant touz ses barons, et li rois tint le siege devant la cité si longuement et si asprement que il les donta et contrainst si fort que li plus grant vindrent à lui à merci[1]. Tiex sairemenz com il demanda li firent, tiex ostages livrerent com il vot, et tant com il en demanda, et par tele condition que il istroient de la cité tuit en un jor, et que jamais en son roiaume mal ne feroient ne ne consentiroient à faire. Au darrenier, li requistrent que il soufrist que il habitassent en une ysle de Loire jusques au mois de fevrier et que il eussent marchié de viandes ; et après ce mois, cil qui crestien estoient et qui la crestienté vorroient tenir vraiement et loiaument venroient à lui, et cil qui encores estoient païen et vorroient estre crestien fussent baptizié à sa volenté, et cil qui la crestienté refuseroient se partissent du roiaume, ne jamais pour mal faire n’i entreroient, ensi com il avoient juré. A ce s’acorda li rois et leur otroia cele requeste. Quant il orent la cité vuidié, li rois et li prelat et li poples entrerent enz a grant devotion ; les cors sains, saint Aubin et saint Luzin[2], qui avoient esté repost en terre pour la paor des Normanz, remistrent en leur fiertres honorablement.
Des Normanz prist li rois bons ostages, puis se parti
- ↑ Réginon, année 873, est plus sévère pour Charles le Chauve que les Annales de Saint-Bertin. Il l’accuse de s’être laissé corrompre par l’argent des Normands pour leur permettre de se retirer. « Rex turpi cupiditate superatus, pecuniam recepit, et ab obsidione recedens, hostibus vias patefecit. »
- ↑ Saint Lesin ou Lezin, évêque d’Angers, mort en 605.
royaume breton du côté de l’est (A. de la Borderie, Hist. de Bretagne, t. II, p. 93).
