lement, pour le contenz apaisier de lui et de ses fiuz. Alerent tant message d’une part et d’autre que trives furent donées jusques au mois de may, que li peres les asseura que il n’auroient par lui mal, et il promistrent d’autre part que il ne feroient nul mal ou roiaume, si com il avoient commencié. Quant ce fu acordé et li parlemenz fu finez, li rois se parti de Franquenefort et s’en ala à Reneborc.
Tout le moys de septembre se deporta li rois Kalles en chaces de bois et puis s’en vint à Saint Denys en France pour celebrer la sollempnité des glorieus martyrs. Le jor meismes de la feste, si comme l’en chantoit la messe, vindrent à lui li message l’apostole Adrien et l’empereor Loys ; cil meismes qui au roi Loys son frere avoient devant esté. Epistres li aportoient à lui et aus evesques de son roiaume, qui contenoient moult espoantablement que il n’entrast eu roiaume qui out esté Lothaire son neveu, car il apartenoit par droit d’eritage à l’empereor Loys qui ses freres avoit esté. Au roi ne plurent pas moult ces noveles, ainz porta moult grief ce mandement. Tant li proierent cil messages et autres bones genz, que il osta Kallemanne son fil de la prison de Senliz et li commanda que il demorast ovec soi. Li message fist conduire jusques à Rains et commanda que si ami et ses consauz fust là assemblez. Quant il fu là venuz, il i demora entor VIII jors ; aus messages dona congié de repairier ; mais il envoia ovec eus ses propres messages à l’apostole Adrien ; Angesisme[1], l’abbé de Saint Michiel et un autre lai qui
- ↑ Anségise devint en 871 archevêque de Sens après Egilon. On ne peut déterminer de quelle abbaye placée sous le vocable de Saint-Michel il était abbé (cf. Rec. des Hist. des Gaules et de la France, t. VII, p. 111, note f).
