autre tel partie du roiaume Lothaire leur frere, comme il meismes aura, et que il soit si loiaument partiz et si jusement, comme cil le sauront partir, qui par l’acort des ii parties i seront[1] mis, et que ce soit fait sanz barat et sanz decevance, se ses freres li rois Loys li veut garder autel fraternité et autele loiauté comme il li promet tant com il vivra. »
Quant ces convenances furent ensi affermées par serement d’une part et d’autre, li rois Kalles se parti d’Aes, en France retorna et s’en vint à Compiegne ;[2]là celebra la Resurrection[3]. En mois de mai qui aprés vint, s’en ala à Atigni. Là vindrent à lui li message le roi Loys son frere que il out envoiez pour partir le roiaume, mais il ne voudrent pas tenir les convenances qui devant avoient esté jurées, si estoient plus fier et plus hautain pour la prospeirté de leur segneur, pour ce que il avoit novelement tant pris par barat comme par armes le prince des Wandes[4], qui longuement avoit à lui guerroié et mainz dommages li avoit fait. En moult de manieres fu cele partison devisée et mandée aus ii parties par divers messages, ne acor-
- ↑ Ms. Sainte-Geneviève : isseront.
- ↑ Cette indication et celle qui suit relative à Attigny ne sont pas données par les Annales de Saint-Bertin, elles sont tirées de la continuation d’Aimoin (voir éd. Jacques du Breul, Aimoini monachi… libri quinque de gestis Francorum, p. 314). Pertz, dans son édition des Annales de Saint-Bertin (Mon. Germ. hist., Scriptores, t. I, 487), a inséré « ibique pascha Domini celebravit ; indeque mense maio ad Attiniacum palatium venit » d’après la continuation d’Aimoin.
- ↑ Pâques était le 26 mars.
- ↑ Les Annales de Saint-Bertin donnent le nom de ce roi des Wandes, « Restitius ». Il est appelé aussi Rastiz ou Ratislaw, duc des Moraves.
