Li v parole des messages l’apostole Adrien au roi Loys que il rendist le roiaume Lothaire à son neveu Loys, du contenz le roi Loys et des fiuz, et des messages l’apostole Adrien au roi Kalle, et comment il envoia joiaus à l’eglise de Rome ; comment il prist Viene et des desloiautez Kallemanne son fil.
Li vi parole comment li rois Loys rendi à l’empereriz Engeberge sa partie du roiaume Lothaire, et puis des messages l’apostole Adrien à l’empereor Basile de Constantinoble, et du concile qui fu assemblez ; comment Loys fu coronez en empereor et comment Kallemannes li fiuz Kalle le Chauf out les euz crevez.
Li vii parole comment Kalles li Chaus assist les Normanz en la cité d’Angiers, de la pais que li rois Loys fist à Wandes pour Kallemanne son fil aidier, et comment Kalles li Chaus fist venir à merci les Normanz que il avoit assegiez en Angiers, et de maintes autres choses.
Li viii parole comment Kalles li Chaus mut en Lombardie et quant il sout la mort l’empereor Loys son neveu, et comment li rois Loys ses freres envoia ses fiuz contre lui, et puis entra en sa terre ; comment Kalles li Chaus fu coronez à empereor de Rome et du concile des prelaz en la cité de Mez en la presence l’empereor.
Li ix parole comment cil conciles assembla derechief et comment les causes des eglises furent debatues ; comment aucun des Normanz furent baptizié qui puis retornerent à la mescreandise ; de la mort le roi Loys de Germanie ; des Normanz qui se mistrent en Saine atout c barges.
Li x parole de Loys le neveu Kalle le Chauf et des joises que il fist de xxx homes pour savoir se ses oncles avoit droit, et comment Kalles le cuida seurprendre,
