tez parmi le roiaume, toutes, rapines, homicides, si comme il est encore aparant, et comme cil sevent qui encores sont vivant. En toutes manieres voloit que li enfes fust saintement et honestement norriz et ensegniez, si que il poist profitier et à soi et à autres[1]. Si li souvenoit de ce que il ne voloit doner terres à ses fiuz tant com il estoient jone[2], et quant on l’en parloit, si s’escusoit en tel maniere : « Je ne sui pas meuz par envie contre mes enfanz que j’ai engendrez de moi, que je ne voille que il soient à grant honeur. Mais pour ce que je sai bien que l’on amoneste legierement à si jones genz à faire cruauté, et il qui sont jone et volenteif s’i acordent assez legierement. »
Vers le mois de septembre, s’en ala li empereres à Châlon ; là assembla parlement, si com il avoit ordené. Là fu traitié des besoignes de sainte Eglise et des besoignes du roiaume communes et privées. Après ce entendi à ordener de l’estat du roiaume d’Aquitaine ; de la cité de Chalon se parti, si estoit lors ovec lui l’empereriz Judith et Challes, ses fiuz, et grant compagnie des princes et du pople[3]. Le flum de Loyre trespassa et s’en ala à Clermont en Auvergne ; là li furent au devant si ami et cil qui loiauté li portoient. Liement et debonairement les reçut et puis vout que il feissent
- ↑ « Car moult se doubtoit que par mauvais ensaingnement d’autrui, il ne feust si aus vices enclin que en bien ne peust à lui ne à autre aidier » (royal ms. 16 G VI, fol. 214, en note).
- ↑ « Et pour tant point ne lui en volt donner, pour sa jeunesce, pour paour que il ne se vousist enorguillir et son pueple despriser » (royal ms. 16 G VI, fol. 214, en note).
- ↑ La Vita Hludowici dit seulement : « cum regina et filio suo Karolo et valida manu ».
