Page:Viard - Grandes chroniques de France - Tome 4.djvu/178

Le texte de cette page a été corrigé et est conforme au fac-similé.

que il en eust[1]. Li peres le blasma et reprist de paroles, et il li recognut que il avoit mal fait, et promist que il amenderoit tout, et li peres, qui touz jors fu douz et debonaires, li pardona tantost. Avant le chastoia et reprist de dures paroles, si com il avoit deservi, et après le blandi et assouaja par douces paroles. Atant li dona congié de retorner en Baiviere et li empereres se mist au retor, le Rim passa et entra en Ardane pour chacer, si com il avoit acostumé en cele saison.


XXIII.
De la discorde des barons et dou pople dou roiaume d’Aquitaine, dou parlement que li empereres tint à Chalon, de l’ordenance dou roiaume d’Aquitaine et de l’estat de sainte Eglise ; comment ses fiuz Looys esmut derechief ses oz contre lui, de la maladie que il en ot dou mautalent ; comment il acoucha du tot au lit de la mort en la cité de Maience.

Encores se deportoit li empereres en chaces et en gibiers, quant il oï certaines noveles du roiaume d’Aquitaine qui à li venoient par messages, et affermoient ce que voirs estoit, que une partie des plus nobles homes de la terre attendoient son ordenement

    Alamannici, Monumenta Germaniæ historica, Scriptores, t. I, p. 55), duché de Bade, cercle de Constance, sur les bords de la partie du lac appelée Ueberlinger See. C’est de ce palais que le lac de Constance a tiré le nom de Bodmannsee (cf. B. Simson, Jahrbücher des Fränkischen Reichs unter Ludwig dem Frommen, t. II, p. 199).

  1. « Ibique filius quamquam invitus subplex venit » (Vita Hludowici).