et leur proia de cete besoigne, et il proierent à l’empereor que il envoiast à Lothaire et li mandast que il venist à lui par tel condition que, se il voloit amer et garder Challe son frere, seust-il certainement que il li pardonoit bonement quanque il avoit ainques vers lui meffait, et que il li donroit encore la moitié de l’empire, fors Baiviere tant seulement. Ceste chose plut à Lothaire et à sa gent, et li sembla que ce fust ses preuz.[1]Après la Pasque, vint au pere, en la cité de Warmaise. Li peres le reçut liement lui et sa gent, largement leur fu livré et amenistré quanque mestiers leur fu, et li empereres li dist que il li tendroit volentiers ce que il li avoit promis, et que dedenz iii jors seroit conseilliez et avisez li et sa gent comment li empires seroit partiz et devisez, en tel maniere toutes voies que il et Challes auroient l’avantage de prendre avant à leur chois. Et Lothaires ot conseil que il s’acorderoit à ce, mais que li empereres devisast l’empire à sa volenté. Mais totesvoies, disoient-il bien, que ceste partison ne povoit pas igaument estre faite, pour ce que l’on ne savoit pas ne les liex ne les regions. Lors departi li empereres tout l’empire au mieuz et au plus justement que il pout, en ii parties, fors le roiaume de Baiviere que il out doné Loys son autre fil. Les barons et le pople apela. A Lothaire dona tout le roiaume d’Austrasie, si comme il se comporte, jusques au flum de Muese, et l’autre partie deça, devers Occident, dona à Challe son mainzné fil, et conferma ceste partison par sa parole devant les barons et devant tout le pople. Si liez estoit de ces choses que il avoit ensi ordenées, que il en
- ↑ Vita Hludowici imperatoris, chap. lx.
