Karlemaines ses peres et il meismes avoient receu en garde. De ces noveles fu li empereres si durement esmeuz et corrouciez que il envoia tantost ses messages, ne ne vout que il eussent ou poi, ou noient d’espace pour eus apareillier à faire si longue voie. A son fil manda, en amonestant, que il ne feist ne ne soufrist à faire si grant desloiauté et si li souvenist que quant il li bailla à governer le roiaume d’Ythalie, que il li livra la cure de l’Eglise, et il le reçut en tel maniere que il la garderoit et defendroit vers touz adversaires ; et toutes ces covenances conferma-il par son sairement, et bien seust-il que se il le brisoit, il correceroit Dieu et en seroit jugiez au grant jugement.
[1]Après ce, li manda que il feist apareillier les trespas et garnir de quanque mestier seroit jusques à Rome, car il i baoit à aler pour visiter les Apostres ; et sanz faille il i fust meuz, mais li Normant, qui soudainement s’embatirent en Frise[2], li destorberent cele voie, car il covint que il meismes i alast à grant ost. Mais il envoia tandis message à Lothaire, l’abbé Foucaut[3] et un autre abbé qui avoit non Raimbaut[4], et le
- ↑ La Vita Hludowici pii (chap. lv) rapporte ces faits à l’année 836, tandis que l’auteur de l’appendice à l’histoire de Thégan et les Annales de Saint-Bertin les rapportent à l’année 837, date que Simson adopta (Jahrbücher des fränkischen Reichs unter Ludwig dem Frommen, p. 163-165).
- ↑ « Ea tempestate Nordmanni irruptione solita Frisiam inruentes, in insula quæ Walacria (Walcheren) dicitur nostros imparatos aggressi, etc. » (Annales de Saint-Bertin, année 837).
- ↑ Foulque était abbé de Fontenelle ou Saint-Wandrille ; il remplit cette charge du 26 mars 835 au 10 octobre 845 (Gallia christiana, t. XI, col. 174).
- ↑ Raimbaut (Adrebaldus d’après la Vita Hludowici pii) au-
